Shop

• grid
• list

ڕیزکردنی پێشگریمانەیی ڕیزکردن بەپێی جێی پەسەندبوون ڕیزکردن بەپێی نمرەی ناونجی ڕیزکردن بەپێی دوایین ڕیزکردن بەپێی نرخ: کەم بۆ زۆر ڕیزکردن بەپێی نرخ: زۆر بۆ کەم

Showing all 6 results

داواکاریی یارمەتی بۆ کڕینی ئیمکاناتی پێویست بۆ نەخۆشە کۆڕۆناییەکان

هەروەک دەزانن پەتای کۆڕۆنا دۆخێکی ئەستەمی لە زۆربەی شارەکانی کوردەواری ساز کردووە. زۆربەی نەخۆشخانەکان بە هۆی نەبوونی ئیمکاناتی گونجاو، وەکوو دەستگای بەرهەمهێنانی ئۆکسیجێن، پاڵسئۆکسیمەتر، و هتد، ناتوانن وەک پێویستە بە نەخۆشەکان ڕابگەن و دەرمانیان بکەن. ئەمە سەرەڕای هەوڵ و تێکۆشانی پزیشکان و پەرستارانی دڵسۆزی شارەکانە. لە ئاکامدا، بەداخەوە، ڕێژەی کوژراوەکان بەهۆی ئەم نەخۆشییەوە لە زۆربەی شارەکان ڕوو لە بەرزبوونەوەیە، کە لەوانەیە دۆست و خزمی هەموومانی تێدا بێت.

ئێمە، تاقمێک لە خوێندکارانی کوردی دەروڵات و ناووڵات، بڕیارمان داوە بۆ یارمەتیدانی نەخۆشخانەکان بۆ کڕینی کەلوپەلی پێویست بۆ دەرمانی نەخۆشە کۆڕۆناییەکان، یارمەتی ئابووری کۆ بکەینەوە. یارمەتییەکانی دەروڵات لە ڕێگەی ڕێکخراوەیەکی خێرخوازانەوە (بنیاد حامیان کودک – Child Advocates Foundation LTD) دەنێردرێتەوە بۆ ناووڵات. ڕێکخراوەی (بنیاد حامیان کودک) ڕێکخراوەیەکی خێرخوازانەی ڕێجیستێرکراو لە وڵاتی ئۆستڕاڵیایە کە ئەرکی سەرەکیی ئەو کۆکردنەوەی یارمەتیی ئابووریی بۆ مناڵانێکە کە لە دۆخێکی ئەستەمدا ژیان دەبەنە سەر. ئەم ڕێکخراوەیە بۆ کۆکردنەوەی یارمەتی بۆ ئەم کەمپەینە و ناردنەوەی یارمەتییەکان بۆ ناووڵات یارمەتیدەرمان دەبێت. بۆ زانیاری زیاتر لەسەر ئەم ڕێکخراوەیە، تکایە چاو لەم لینکانە بکەن:
https://www.acnc.gov.au/charity/bd4b2fba1964d3e2b2be9749a63f1a21
https://instagram.com/childadvocatesfoundation.farsi

لە ناو وڵات، بە یارمەتی ڕێکخراوەیەکی خێرخوازانەی تر دەستگای بەرهەمهێنانی ئۆکسیجێن، پاڵسئۆکسیمەتر، و هتد بە نرخی گونجاو دەکڕدرێت و بە ناو نەخۆشخانەکاندا دابەش دەکرێت.

گوزارشی ڕوونی ڕێژەی یارمەتی کۆکراوە و شێوازی سەرفکردنی یارمەتییەکان دەخرێتە بەردەستی دۆستان.

دانانی کتێبخانە لە گوندەکان
ئامانجی فێرگەی کوردیی مامۆستا زیرەک

کورتەمێژوویەک:

دانانی کتێبخانە لە گوندەکانی:
– زاواکێو ساڵی 1396
– گوێگجەلی ساڵی 1395
– خوڕخوڕە ساڵی 1396
– وەتەمیش ساڵی 1398
– دانانی کتێبخانە لە خانەی بووستان(مناڵانی بێ‌سەرپەرشت)ی بۆکان

– دانانی کلاسی کوردی لە گوندەکانی:
– گوڵۆڵان ساڵی 1389
– یاغیان ساڵی 1391
– ئاغووتمان ساڵی 1392
– داشبەند ساڵی 1393
– سڵامەت ساڵی 1395
– زاواکێو ساڵی 1395
– خوڕخوڕە ساڵی 1395
– ساردەکوێستان ساڵی 1395
– زێڕاندۆڵ ساڵی 1395
– گوێگجەلی ساڵی 1395
– سەرا ساڵی 1397
– قۆزلوێ ساڵی 1397
– شێخ‌چۆپان ساڵی 1397
– سەرا ساڵی 1398
– سڵێمانکەندی ساڵی 1398
– کانی‌درێژ ساڵی 1398

دانانی کتێبخانەی نوێ بە هاوکاریی هەمووان:

لە مانگی 7ی ساڵی 1398 دانانی کتێبخانە لە گوندی ساروقامیش (دێی مامۆستا ئاسۆ)
بۆ بەشداری لەم ئەرکە پیرۆزەدا، دەتوانن لەم ڕێگەوە هاوکاری بکەن.

هاوکارییەکان بۆ کڕینی ئەم شتانە بەکار دەچن:
– کتێب و گۆڤار
– کۆمپیوتەر
– کورسی
– وایت‌بۆڕد
– لێنووس

کاتی هاوکاری: تا 25ی مانگی 7(ڕەزبەری 1398)