کورتەی پڕۆژە

داواکاریی یارمەتی بۆ کڕینی ئیمکاناتی پێویست بۆ نەخۆشە کۆڕۆناییەکان

هەروەک دەزانن پەتای کۆڕۆنا دۆخێکی ئەستەمی لە زۆربەی شارەکانی کوردەواری ساز کردووە. زۆربەی نەخۆشخانەکان بە هۆی نەبوونی ئیمکاناتی گونجاو، وەکوو دەستگای بەرهەمهێنانی ئۆکسیجێن، پاڵسئۆکسیمەتر، و هتد، ناتوانن وەک پێویستە بە نەخۆشەکان ڕابگەن و دەرمانیان بکەن. ئەمە سەرەڕای هەوڵ و تێکۆشانی پزیشکان و پەرستارانی دڵسۆزی شارەکانە. لە ئاکامدا، بەداخەوە، ڕێژەی کوژراوەکان بەهۆی ئەم نەخۆشییەوە لە زۆربەی شارەکان ڕوو لە بەرزبوونەوەیە، کە لەوانەیە دۆست و خزمی هەموومانی تێدا بێت.

ئێمە، تاقمێک لە خوێندکارانی کوردی دەروڵات و ناووڵات، بڕیارمان داوە بۆ یارمەتیدانی نەخۆشخانەکان بۆ کڕینی کەلوپەلی پێویست بۆ دەرمانی نەخۆشە کۆڕۆناییەکان، یارمەتی ئابووری کۆ بکەینەوە. یارمەتییەکانی دەروڵات لە ڕێگەی ڕێکخراوەیەکی خێرخوازانەوە (بنیاد حامیان کودک – Child Advocates Foundation LTD) دەنێردرێتەوە بۆ ناووڵات. ڕێکخراوەی (بنیاد حامیان کودک) ڕێکخراوەیەکی خێرخوازانەی ڕێجیستێرکراو لە وڵاتی ئۆستڕاڵیایە کە ئەرکی سەرەکیی ئەو کۆکردنەوەی یارمەتیی ئابووریی بۆ مناڵانێکە کە لە دۆخێکی ئەستەمدا ژیان دەبەنە سەر. ئەم ڕێکخراوەیە بۆ کۆکردنەوەی یارمەتی بۆ ئەم کەمپەینە و ناردنەوەی یارمەتییەکان بۆ ناووڵات یارمەتیدەرمان دەبێت. بۆ زانیاری زیاتر لەسەر ئەم ڕێکخراوەیە، تکایە چاو لەم لینکانە بکەن:
https://www.acnc.gov.au/charity/bd4b2fba1964d3e2b2be9749a63f1a21
https://instagram.com/childadvocatesfoundation.farsi

لە ناو وڵات، بە یارمەتی ڕێکخراوەیەکی خێرخوازانەی تر دەستگای بەرهەمهێنانی ئۆکسیجێن، پاڵسئۆکسیمەتر، و هتد بە نرخی گونجاو دەکڕدرێت و بە ناو نەخۆشخانەکاندا دابەش دەکرێت.

گوزارشی ڕوونی ڕێژەی یارمەتی کۆکراوە و شێوازی سەرفکردنی یارمەتییەکان دەخرێتە بەردەستی دۆستان.

داواکاریی یارمەتی بۆ کڕینی ئیمکاناتی پێویست بۆ نەخۆشە کۆڕۆناییەکان

لە لایەن بەڕێوەبەرایەتیی سێبەر

  • 70,000,000 تومان

    ئامانجی یارمەتییەکان
  • 102,831,700 تومان

    بڕی یارمەتیدراو
  • 0 ڕۆژ ماوە
  • ڕێکەوتی کۆتایی

    بۆ کۆتایی پڕۆژە
ڕێژەی یارمەتی :
146.90%
پڕۆژەکە سەرکەوتوو بوو
, ئێران

چیرۆکی پڕۆژە

 

 

  • ١٠ی سەرماوەزی ٢٧٢٠

    سەرکەوتوو بوونی پڕۆژەکە

    بە بەختەوەرییە بڕی پارەی دیاریکراو بۆ ئەم پڕۆژەیە دابین کرا. زانیاریی زیاتر سەبارەت بە قۆناخەکانی دوایی پڕۆژە لێرە بڵاو دەکرێتەوە.

  • ١۶ی سەرماوەزی ٢٧٢٠

    ناردنی بڕە پارەی کۆکراوە بۆ خاوەن پڕۆژە

    بڕە پارەی کۆکراوە ۴٠٠٠٠٠ تمەن بووە کە ۴٠٠هەزار تمەنی بۆ خاوەن پڕۆژە بەڕێ کراوە.

  • ٢١ی ڕێبەندانی ٢٧٢٠

    ڕاپۆرتی پڕۆژەکە

    ڕاپۆرتی دەرەنجامی هەڵمەتی کۆکردنەوەی یارمەتی بۆ تووشبووانی کۆرۆنا

    دۆستانی هێژا و خۆشەویست،

    زۆر سپاس بۆ پاڵپشتیکردنتان لە هەڵمەتی کۆکردنەوەی یارمەتی بۆ کڕینی کەرەستەی پێویست بۆ نەخۆشە کۆرۆناییەکان. بە خۆشحاڵییەوە ڕایدەگەیەنین کە کۆی یارمەتییە پڕ لە سۆزەکانتان، واتە نزیکەی ١٠٣ ملیۆن تمەن، بۆ کڕینی ١١۴ دانە کەرەستەی پاڵسئۆکسیمەتر سەرف کرا و کەرەستە دابینکراوەکان بەسەر نەخۆشخانەکانی ١٠ شاری کوردستاندا دابەش کران.

    جێی ئاماژەیە زۆربەی یارمەتییەکان لەلایەن خوێندکارانی دەرەوی وڵات و ناوخۆی وڵاتەوە بۆ ئەم هەڵمەتە ڕەوانە کرابوو.

    هەروەها، سپاسی ڕێکخراوەی هۆژان دەکەین کە لە ڕێگەی بەستەری “سێبەر”ەوە بۆ کۆکردنەوەی یارمەتی هاریکارمان بوو.

    هیوادارین یارمەتییە بچووک، بەڵام پڕهەستەکەمان بتوانێت یارمەتیدەر بێت بۆ چارەسەرکردنی باشتری تووشبووانی وڵاتەکەمان و ببێتە هۆی تەندروستیی خێراتری هەموو ئەو خۆشەویستانە.

    لە هاوپێچدا ڕاپۆرتێکی ورد لەسەر ڕێژەی یارمەتیی کۆکراوە، ڕێژەی کەرەستەی دابینکراو، و شێوەی دابەشکردنی کەرەستەکان بەناو شارەکاندا هاتووە.

    دیسان سپاسی یارمەتی و پاڵپشتییە پڕ لە سۆزەکانتان دەکەین.

 

ڕاپۆرتی یارمەتییەکانی کۆرۆنا

ناو بڕی یارمەتی ڕێکەوت
ئەرسەلان 50,000 تومان November 24, 2020
ڕەزا سووری 50,000 تومان November 21, 2020
نەناسراو 100,000 تومان November 20, 2020
فەرانەک 200,000 تومان November 16, 2020
پاڵپشتیی دەرەوەی ئێران 102,431,700 تومان November 29, 2020

لێدوانەکان

هێشتا لێدوانێک نەنووسراوە.

یەکەم کەس بە کە لێدوان دادەنێت بۆ “داواکاریی یارمەتی بۆ کڕینی ئیمکاناتی پێویست بۆ نەخۆشە کۆڕۆناییەکان”

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *